مەسروور بارزانی تیمی حکوومەتی هەرێمی كوردستانی ڕاسپارد
هەولێر-KDP.info- وته‌بێژی حكوومه‌تی هه‌رێمی كوردستان روونكردنه‌وه‌یه‌كی بۆ ڕای گشتی بڵاوكرده‌وه.
پێشه‌وا هه‌ورامانی گوته‌بێژی حكوومه‌تی هه‌رێمی كوردستان بڵاویكرده‌وه، سەردانی شاندی حکوومەتی هەرێمی کوردستان بۆ بەغدا و کۆبوونەوەیان لەگەڵ لیژنەی دارایی پەرلەمانی عێراق ئیختیارییە و نیشاندەری نیەتی جددی حکوومەتی هەرێمە بۆ چارەسەری کێشەکانی نێوان هەولێر و بەغدا لە سەر سەرجەم پرسە داراییەكان.
راشیده‌گه‌یه‌نێت، بەڕێز سەرۆک وەزیران مەسروور بارزانی، تیمی حکوومەتی هەرێمی كوردستانی ڕاسپاردووە تەنانەت یەك پرسیاری بێ وەڵامیش نەهێڵنەوە و زۆر شەفافانە هاوکاربن.
پێشه‌وا هه‌ورامانی ئاماژه به‌وه‌شده‌كات، حکوومەتی هەرێمی کوردستان، لە چوارچێوەی دەستوری عێراقی فیدراڵ، بە دوای چارەسەرێکی ڕیشەییەوەیە بۆ پاراستنی مافی هاووڵاتیانی كوردستان.
