د. خلیل غازی دوسکی چه‌ند ڕاستییه‌كا دده‌ته دیاركرن
دهۆك-KDP.info- د. خلیل غازی دوسکی، ئه‌ندامێ ئه‌نجومه‌نێ نوێنه‌رێن عێراقێ ل لاپه‌رێ خو یێ فه‌رمی یێ تۆرا كۆمه‌ڵایه‌تی یا فه‌یسبوكی، ب چه‌ند خاڵه‌كا ئاماژێ ب هنده‌ك پێشێلكاریێت ده‌ستوری یێت حكومه‌تا فیدرال دكه‌ت.
ده‌قێ نڤیسینێ:
سلاڤ گەلی هەڤالان و وەڵاتیێن قەدرگران
ژدوهی وەرە پەیڤدارێ حکمەتا فیدرال لبەغدا بەیان نامەک بەلاڤ کریە کو ئەو پابەند بوینە و هەمی شایستێن دارایی یێن هەرێمێ خەرج کرینە، ب پیڤەرێن وان یێ دویر ژ راستیێ دروستە چونکی پیڤەرێ وان وەلاتیێن هەرێمێ بێ بەهر کەن ژهەمی شایستێن یاسایی. بەرسڤا وان بچەند خالەکا دێ بەحس کەم هیڤیە ناما من بگەهیتە هەوەیێن بەرێز:
١. حکمەتا هەرێمێ و بشاهدەیا دیوانا چاڤدێریا دارایی یا فیدرالی و بحازریا من دکومبوونا لیژنا دارایی دا دیار کر کو هەرێمێ هەمی داهاتێ سیادی گەلەک بهویربینی حساب کریە و راپۆرت ڕادەستی وان کریە و گەلەک ژێ درازینە و نوکە دبێژن وەنینە.
٢. بنسبەت داهاتێ پێترولێ یێ بەری ٢٥/٣/٢٠٢٣ هەمی هاتیە حساب کرن لێ حکومەتا بەغدا ئامادە نینە شایستێن دارایی یێن کومپانیێن بەرهەم ئینانا پێترولێ بدەت کو دبنە ٢٤ $ بو هەر بەرمیلەکێ بۆ زانین خەرجیێن عیراقێ ژڤێ کێمتر نینن ژبەر نێزیکی ١٥ تریلیون دینارا ددەنە کومپانیا و٨تریلیۆنا وەزارەتا پێترولێ خەرج دکەت. برینا ڤی پارەی ژشایستێن هەرێمێ دبیتە کوژمەکێ مەزن.
٣. حسابکرنا پشکا هەرێمێ، نە لدویف بودجا ٢٠٢٣ ێ بەلکو لپەی ١/١٢ یا بودجا ٢٠٢١ێ و یا ١٥ پارێزگەها بتنێ ئەڤەژی چجارا نەبویە و دچ یاسادا نینە.
٤. بڕینا هەمی ئەو دەینێت داینە هەرێمێ ئێکسەر ژپشکا ئەڤ ساڵە.
٥. ژبەر عیراق شایستێن کومپانیا نادەت، هەرێم نەشیایە ژ ٨٥ هزار بەرمیلا زێدەتر رادەست کەت، سەرەرای هندێ سۆمۆ شیان نینن زێدەتر وەرگریت هەتا رێکا تورکی نەڤەبیت.
بڤێ چەندێ پشکا هەرێمێ یا سالەکێ دێ گەلەک یا کێم بیت و ژبلی کو ئەڤ خالە هەمی نەیاسایی نە، نابیت موچێن فەرمانبەرا و شایستێن خانەنشینا بهێتە تێکهەلکرن دگەل کێشێن دی وەک هەمی عیراقێ هەتا کو دەمێ پێترول ب١٠ دۆلاران دفرۆت حکومەتا عیراقێ دەین دکرن بۆ موچێن فەرمانبەرا.
پسیار بۆچی ئەڤە دهێتەکرن:
١. نە ئێکرێزیا هێزێن کوردستانی لبەغدا کو گەلەک ژوان چەندین سالە خەبات بو هندێ دکرن هەرێم رادەستی بەغدا ببیت.
٢. گەلەک هێز ئارمانجا وان یا سەرەکی ژبن برنا پارتی یە بلا سەرحسابا هەبونا قەوارێ هەرێمێ بیت. لەوا نوکە دبێ دەنگن چ ڤێ نینە بێژن.
لەوا بو وەیێن هێژا دبێژم بەغدا بڕیارێن هێزێن زال لسەر عیراقێ جێبەجێ دکەن. من نەڤێت چ موزایەدا لسەر خەلکێ خو یێ خۆڕاگر بکەم، بەس دێ بێژم ئەڤە فیشەکا دوماهیێ یە یا برایێن دوژمن، هیڤیە ژدەستهەلاتا کوردستانێ هەمی رێیا لبەر دوژمنان بگرن و زەمینەکێ گونجای بۆ رێکخستن و ئێکڕێزی و ئێک هەلویست لبەغدا. دا زێدەتر خەلکێ بێ گونەه نەبنە قوربان.
بهیڤی یا من یا دروست گەهاندبیت
د. خلیل دوسکی
ئه‌ندامێ ئه‌نجومه‌نێ نوێنه‌رێن عێراقێ
