پیرۆزبایی بەشی ڕۆشنبیری و ڕاگەیاندنی پارتی دیموکراتی کوردستان بە بۆنەی(10)یەمین ساڵیادی دامەزراندنی ڕادیۆی کازیوە

بەڕێزان/ بەڕێوەبەر و ستافی بەڕێوەبردن و هونەرکاران لە ڕادیۆی کازیوە. بە بۆنەی(10)یەمین ساڵیادی دامەزراندنی ڕادیۆی کازیوە، گەرمترین پیرۆزبایی لە ئێوەی هێژا و بیسەرانی ئێزگەکەتان دەکەین، ئومێدەوارین بۆ ساڵی داهاتوو بە پلان و کارنامەی باشتر، لە خزمەت ئەو دەڤەرە ئازیزەدا بن.

ئێمە کاتێک ئەو بۆنەیە پیرۆز دەکەین لە هەمانکاتدا ڕۆڵ و کاریگەری ئەو کەناڵە ڕادیۆییە و بەرنامەو چالاکییەکانتان وەک ڕادیۆ و سۆشیال میدیاش بەرز دەنرخێنین، کە هەمیشە دەنگێکی زوڵال و بوێر بووە، بۆ داکۆکیکردن لە خواست و ویستی خەڵک و دانیشتوانی ئەو ناوچەیەی کە ناسنامەی خەبات و خۆڕاگریی و قوربانیدان بووە. لەو دەرفەتەدا پشتیوانی خۆمان بۆ بەرەوپێشچوونی ڕادیۆی کازیوە دووپات دەکەینەوە و بە هیوای پێشکەوتن و سەرکەوتنی زیاتر لە کار و بەرنامەکانتان.

بەشی ڕۆشنبیری و ڕاگەیاندنی پارتی دیموکراتی کوردستان

1/9/2023