ھەولێر-KDP. Info- سه‌رۆكایه‌تیى هه‌رێمى كوردستان له نزیكه‌وه له‌گه‌ڵ ده‌زگا په‌یوه‌ندیداره‌كانى هه‌رێمى كوردستاندا به‌دواداچوون بۆ ئه‌و هێرشه تاوانكارییه ده‌كات كه دوێنێ له ڕووداوێكى نامۆدا له دهۆك، كۆمه‌ڵێك له جه‌ژنگێڕانى ئه‌كیتۆ له هاووڵاتییانى مه‌سیحیمان تیایدا به ئامانج گیران و بووه هۆى برینداربوونى دوو كه‌س.
له كاتێكدا به توندى ئه‌و تاوانه سه‌ركۆنه ده‌كه‌ین، هه‌موو كوردستانییان دڵنیا ده‌كه‌ینه‌وه كه هه‌رێمى كوردستان وه‌ك هه‌میشه به نیشتمانی پێكه‌وه‌ژیان و ئارامى و سه‌قامگیرى بۆ هه‌موو پێكهاته‌كانى ده‌مێنێته‌وه و به هیچ شێوه‌یه‌ك ڕێگه به تێكدانى كولتوورى پێكه‌وه‌ژیان و یه‌كترقبووڵكردن و لێبورده‌یى نادرێت، تاوانكاریش به سزاى یاساییى خۆى ده‌گات.
سه‌رۆكایه‌تیى هه‌رێمى كوردستان
2025/4/2