هەولێر-KDP.info- سەرۆکوەزیارنی تورکیا(ئەحمەد داوودئۆغڵو) گەییشتە هەولێر و لە لایەن سەرۆکوەزیرانی هەرێمی کوردستان(نێچیرڤان بارزانی)یەوە، لە فڕگەی نێودەوڵەتیی هەولێر، پێشوازی لێ کرا.
هەر وەک چاوەڕوان دەکرا، پاش گەییشتنی بە بەغدا و کۆبوونەوەی لەگەڵ سەرۆکوەزیرانی عێراق، سەرۆکوەزیرانی تورکیا(ئەحمەد داوودئۆغڵو) سەعات 1:50خولەکی 21/11 بە کاتی کوردستان، گەییشتە فڕگەی نێودەوڵەتیی هەولێر و لە لایەن سەرۆکوەزیرانی هەرێمی کوردستان(نێچیرڤان بارزانی)یەوە پێشوازی کرا.
وەهایش بڕیارە، (داوودئۆغڵو) لەگەڵ سەرۆکی هەرێمی کوردستان(مەسعوود بارزانی) و سەرۆکی حکوومەت(نێچیرڤان بارزانی)دا کۆ ببێتەوە.
جێی باسە لە مەراسیمی پێشوازیکردندا، هەریەک لە جێگری سەرۆکوەزیران و وەزیری پێشمەرگە ئامادە بوون.
زریان زیاد