Mesrûr Barzanî: Min ferman daye ku destên li pişt tawana şehîdkirina Mihemed Mîrza bên eşkerekirin
Hewlêr-KDP.info- Mesrûr Barzanî di nameya hevxemiyê de ji bo malbata şehîd Mihemed Mîrza Yûnis Sofî got: “Min dezgehên pêwendîdar erkdar kirine ku lêkolînek hûr li ser bûyera şehîd Mihemed Mîrza bikin û destên li pişt vê tawanê eşkere bikin.”
Serokwezîrê Herêma Kurdistanê Mesrûr Barzanî nameyek ji malbata şehîd Mihemed Mîrza Yûnis Sofî re şand.
Nameya Serokwezîr Mesrûr Barzanî wisa ye:
“Şevê din di bûyereke cihê gumanê de otomobîla lîwayê xanenişîn (Mihemed Mîrza Yûnis Sofî) li nava bajarê Zaxoyê teqiya û di encamê de wî wî efserê Encûmena Asayişê jiyana xwe ji dest da.
Bi vê minasebetê pirse û sersaxiyê ji malbat û meriv û hevrêyên şehîd re dixwazim û ji Xwedê mezin dixwazim ruhê şehîd bi behiştê şad bike û sebirê bide malbat û xizmên wî.
Di vî warî de min dezgehên pêwendîdar erkdar kirine ku lêkolînek hûr li ser vê bûyerê bikin û destên li pişt vê tawanê eşkere bikin.
Mesrûr Barzanî
Serokwezîrê Hikûmeta Herêma Kurdistanê
24.07.2023”
One attach
