Mesrûr Barzanî û Serokê Senatoya Fransa rewşa Şingalê gotûbêj kirin
Hewlêr-KDP.info- Serokwezîrê Herêma Kurdistanê Mesrûr Barzanî û Serokê Encûmena Pîran a Fransayê Gerard Larcher civiyan û di wê civînê de asayîkirina rewşa devera Şingalê û başkirina rewşê ji bo vegera koçberan bo cihên xwe, hatin gotûbêjkirin.
Di civînê de rewşa giştî ya Iraq û navçeyê û pêwîstiya çareserkirina kêşeyên di navbera Herêma Kurdistanê û hikûmeta federal li ser bingeha destûrê hat gotûbêjkirin.
Serokê Senatoya Fransa bi rêz û pêzanînên xwe amaje bi têkoşîn û qurbanîdana Pêşmergeyên Kurdistanê kir, bi taybetî di şerê li dijî terorîstên DAIŞê û parastina pêkhateyên cuda yên Herêma Kurdistanê.
Serokwezîr spasiya hikûmet û gelê Fransayê kir ku piştevaniya gelê Kurd kirine û bi kurtî behsa çaksaziyên kabîneya neh a hikûmeta Herêma Kurdistanê kir.
Her wiha di civînê de giringiya cîbicîkirina rêkeftina Şingalê, asayîkirina rewşa devera Şingalê û başkirina rewşê ji bo vegera koçberan bo cihên xwe, hatin gotûbêjkirin.
