Wezareta Derve ya Amerîkayê: Amerîka gelekî girîngiyê bi pêgeh û aramiya Herêma Kurdistanê dide
Hewlêr-KDP.info- Serok Mesûd Barzanî pêşwaziya şandeke Wezareta Derveya Amerîkayê kir û di wê hevdîtinê de şanda mêvan got, Amerîka gelekî girîngiyê bi pêgeh û aramiya Herêma Kurdistanê dide.
Îro Sarşema 09.03.2022 li Selahedîn Serok Barzanî pêşwaziya şandeke Wezareta Derveya Amerîkayê kir ku ji xanima Jennifer Gavito Cêgirê Yarîdederê Wezîrê Derve yê Amerîka û Matthew Tueller Balyozê Amerîka li Iraqê û Robert Palladino Konsolê Giştî yê Amerîka li Hewlêrê û her wiha hejmarek ji şêwirmendên serbazî û siyasî pêkhatibûn.
Di hevdîtinê de rewşa Iraqê û pêşhatên siyasî yên dawî û proseya siyasî û çareseriyên ji bo derbasbûna gefan û parastina aramiyê guftûgo kirin.
Her di vê civînê de tekez li ser hemahengî û karê hevbeşa hêzên Pêşmergeyên Kurdistanê û hêzên Iraqê li şerê terorê de kirin.
Di beşeke dinê hevdîtinê de şanda mêhvan tekezî li ser wê yekê kir ku Amerîka gelekî girîngiyê bi pêgeh û aramiya Herêma Kurdistanê dide.
Rewşa Sûriyê û pêşhatên meydaniyên rûbirûbûna terorê li wî welatî mijarên dinên vê civînê bûn.
