Peyama Serok Barzanî bi boneya Cejna Rojiya Êzî
Hewlêr-KDP.info- Serok Mesûd Barzanî bi boneya Cejna Rojiya Êzî pîrozbahî li Kurdên Êzîdî kir û ragihand, Kurdistan serzemîna pêkvejiyana netew û ayînên cuda ye.
Serok Mesûd Barzanî bi boneya Cejna Rojiya Êzî ya Kurdên Êzîdî peyamek belav kir.
Serok Barzanî di wê peyamê de germtirîn pîrozbahiyên xwe li xwişk û birayên Êzîdî yên li Kurdistan û seranserê cîhanê kirin.
Di beşeke din a peyamê de Serok Barzanî hêviya xwe derbirî ku ev cejn şadî, aramî û bextewariyê ji bo xwişk û birayên me yên Êzîdî bîne û dawî li êş û azarên wan bîne.
Herwiha Serok Barzanî diyar kir ku Kurdistan cihê pêkvejiyana netew û ayînên ciyawaz û tekezî li ser kûrtirkirina wê çanda pêkvejiyanê kir.
