Serok Barzanî bo kurê Danielle Mitterrand: Dilsozî û rondikên dayka te ti carî ji bîra me naçe
Hewlêr-KDP.info- Serok Mesûd Barzanî îroSêşema 7.12.2021an, pêşwazî li kesayetiya Fransî û kurê Danielle Mitterrand, Gilbert Mitterrand kir.
Di hevdîtinê de, Serok Barzanî pêzanîna xwe ji bo hevsozî û rola dîrokî ya Danielle Mitterrand di alîkariya bi gelê Kurdistanê nîşan da û ew bi miroveke mezin û dosteke mezin bi nav kir.
Serok Barzanî tekezî li wê kir, dilsozî û rondikên Danielle Mitterrand ji bo zordariya li gelê Kurd hatiye kirin, ti carî ji bîra wî naçe.
Ragihand jî, gelê Kurdistanê her çi ji bo Danielle Mitterrand bike, her kêm e û ne di asta alîkarî û dilsoziya Danielle Mitterrand de ye ku ji bo gelê Kurdistanê kiriye.
Serok Barzanî spasiya gel, hikûmet û serokên Fransayê kirin ku hemû rewşan de piştevanî li gelê Kurdistanê kirine.
Ji aliyê xwe ve, Gilbert Mitterrand spasiya Serok Barzanî û gelê Kurdistanê li hember dilsoziya ku bi Danielle Mitterrand kirine kir.
Balyozê Fransa li Iraqê û Konsulê Fransa li Hewlêrê jî di civînê de amade bûn.
