Wezîrê pilandananê û Bankaya Navdewletî sektora taybet rê organîze dikin
Hewlêr-KDP.info/ Wezîrê pilandananê yê hikûmeta herêma Kurdistanê, Elî Sindî, li bajarê Hewlêrê digel Stefan Remer berprisê sektora taybet yê Bankaya Navdewletî û şandeya pê re civiya.
Di civînê de behsa rêyên pêşxistina sektora taybet, li gor qanûn û mekanîzma birêvebirinê li herêma Kurdistanê, hat kirin. Di civînê de pêşniyar ht kirin ku, ji bona diberçavan re derbaskirin hemû qanûn û tewsîyeyên peywendîdar bi rêvebirin û rêxistina sektora taybet li herêma Kurdistanê, saziyeke şareza û pispor bi alêkariya Bankaya Navdewletî li herêma Kurdistanê bê avakirin.
Wezîrê pilandananê ev pêşniyar, ji bona pêkanîna jîngeheke minasib ji bo pêşxistina sektora taybet li herêma Kurdistanê, bi pêngaveke giring wesif kir û got ku, dê roleke bi bandor li ser binyatdanan û geşepêdana herêma Kurdistanê hebe, bi taybet Bankaya Navdewletî dê di vî warî de alîakriya hikûmeta herêma Kurdistanê bike.
Her duhî li bajarê Hewlêrê, wezîrê pilandananê yê hikûmeta herêma Kurdistanê, Elî Sindî, digel Marzo Bablî berprisê UNICEF li İraqê û Coysî Gatşêrî berprisa ofîsa heman rêxistinê li Hewlêrê civiya.
Di civînê de behsa amadekariyên sazkirina Workshop-eke taybet li ser siyaseta parastina civakê ku, biryare t-roja çarşemiya bê ji aliyê rêxistina UNICEF bi hevakrî digel wezareta pilandananê a hikûmeta Kurdistanê li Hewlêrê bê sakirin, kir.
Rêxistina UNICEF di warê danann sîstemeke modern bo parastina tora civakî û bi taybetî parastina zarokan li herêma Kurdistanê dike.
