Serok Nêçîrvan Barzanî gihîşt Qeter
Hewlêr-KDP.info- Êvariya îro Şemiya 16.10.2021 Nêçîrvan Barzanî Serokê Herêma Kurdistanê bi serdaneke fermî gihîşt Doha paytexta Qeterê û di rêwresmekê de ji aliyê Casim Bin Seyf Elsuleytî Wezîrê Veguhestin û Gihandina Qeterê û Omer Berzencî Balyozê Iraqê li Doha ve hate pêşwazîkirin.
Di serdana xwe de Serok Nêçîrvan Barzanî sibê Yekşemê ligel Şêx Temîm Bin Hemed El Sanî Mîrê Qeterê û Serokwezîr û Wezîrê Navxwe, Cîgirê Serokwezîr û Wezîrê Derve û Wezîrê Bazirganî û Pîşesaziya Qeterê dicive.
Di wan civînan de Serok Nêçîrvan Barzanî pêşxistina peywendiyên Herêma Kurdistanê û Qeter li gel peywendiyên Iraq û Qeterê di warê siyasî û warên alîkariya hevbeş de bi taybetî jî di kertên bazirganî û pîşesazî û derfeta sermayeguzarî û veberhênana Qeterî li Herêma Kurdistan û Iraqê de, rewşa Iraq û navçeyê bi giştî û çend pirseke dinê girîng û hevbeş guftûgo dikin.
