Mehmûd Mihemed: PDK li Bexdayê nûneratiya xelkê Kurdistanê dike û mafên wan diparêze
Şarezûr-KDP.info- Endamê Polîtbîroya PDKê û Berdevkê Polîtbîroya PDKê Mehmûd Mihemed di kernevala PDKê de li devera Şarezûr beşdar bû û ragihand, em wek PDK şanaziyê bi dîroka xwe û bi niha jî dikin û 75 sal in ku xelkê Kurdistanê li dora rêbaza Barzanî ne.
Mehmûd Mihemed wiha got: “Endamên PDKê serbilind in bi partiya xwe ya netewî û niştimanî ku bi dirêjahiya dîrokê xebat kiriye ji bo bidestanîna mafên xelkê Kurdistanê yên di bin zilmê de.”
Berdevkê PDKê wiha domand: “Rêbaza Barzanî destkeftên mezin ji bo gelê Kurdistanê bidest aniye. Pilanên PDKê rêveberiya baş û avedanî û proje û bilindkirina asta jiyana xelkê Kurdistanê û peydakirina xizmetan e.”
Mehmûd Mihemed wiha got: “PDK dixwaze statyoya Herêma Kurdistanê biparêze û axa Kurdistanê ji perçebûnê biparêze. PDK xwedî nerîneke rast e ji bo jiyan û siyaset û mijarên abûrî û civakî.”
Mehmûd Mihemed wiha domand: “Ev hilbijartin girîng in û berbijêrên PDKê li hemû bazneyan hene. Gerek PDK nûneratiya xelkê Kurdistanê bike li Bexdayê û mafên wan bidest bîne, û ew mafên ku bidest jî hatine biparêze.”
