Mesrûr Barzanî cejna sersala nû ya Êzdiyan pîroz dike

Hewlêr-KDP.info- Bi helkeftina hatina cejna sersala nû ya ola Êzdiyan, Serokwezîrê Herêma Kurdistanê Mesrûr Barzanî peyameke pîrozbahiyê pêşkêşî tevaya Êzdiyên Kurdistan û cîhanê kir.

 

Peyama pîrozbahiyê ya Serokwezîr Mesrûr Barzanî wiha ye:

 

“Bi helkefta cejna sersala olî ya Êzdiyan, pîrozbahiyeka germ li xuşk û birayên Êzdî li Kurdistanê û cîhanê dikim. Hêvîdar im sala nû, sala şadî û bexteweriyê û bi dawî hatina derdeserî û nexoşiyan be.

 

Bi vê helkeftê, xuşk û birayên Êzdî piştrast dikin, ku Hikûmeta Herêma Kurdistanê piştevaneka bihêz e ji bo daxwaziyên rewa yên Êzdiyan û hemû şiyanan dê bi kar bîne ji bo xizimetkirina pitir ya Êzdiyan û karkirin ji bo vegera awareyan û avedankirina deverên Êzdiyan bi hevkarî ya hikûmeta Iraqê û civaka navdewletî.

 

Bêguman bicihanîna rêkeftinnameya Şingalê ya di navbera Hikûmeta Herêma Kurdistanê û hikûmeta federal a Iraqê û derketina milîs û çekdarên neyasayî ji Şingalê egerekê girîngê vegera êminahî û seqamgîriyê ye ji bo deverê.

 

Mesrûr Barzanî

 

Serokwezîrê Herêma Kurdistanê”