Serokê Herêmê Nêçîrvan Barzanî û Îmad Ehmed ji bo pêkanîna Kabîneya Heftema Hikûmeta Herêmê rasipard
Îro çarşem 07.03.2012 birêz Mesûd Barzanî Serokê Herêma Kurdistanê rêzdar Nêçîrvan Barzanî û Îmad Ehmed ji bo pêkanîna Kabîneya Heftema Hikûmeta Herêma Kurdistanê rasipard.
Li rêwresmek da, Serokê Herêma Kurdistanê fermana Herêmiya hejmar 59 sala 2012 radestî her du birêzan kir û hêviya serkeftinê ji bo wan xwest. Eve jî naveroka fermana Herêmiye:
Fermana Herêmî
Hejmar (59) sala 2012
Li gor birgeya "12." ê maddeya " 10." a yasaya Serokayetiya Herêma Kurdistana - Iraq hejmar (1) sala 2005 ê hemwarkirî û palpişt bi biryara Parlemena Herêma Kurdistana – Iraqê hejmar (4) a sala 2012 ku li rûniştina neasayiya hejmara (2) li 16/02/2012 derketiye, sebaret bi destnîşankirina rêzdar Nêçîrvan Îdrîs Mistefa Barzanî ji bo Serokê Encumena Wezîrên Herêma Kurdistana – Iraqê û rêzdar Îmad Ehmed Sîfur ji bo Cîgir, me biryar da:
1- Erkê pêkanîna Kabîneya Heftema Herêma Kurdistana – Iraqê raspêrîn bi rêzdar Nêçîrvan Îdrîs Mistefa Barzanî wekî Serokê Encumena Wezîran û rêzdar Îmad Ehmed Sîfur wekî Cîgirê wî.
2- Pêkanîna kabîneyê divê li demeke (30) sîh roj da, ji îro ve, bê encamdan.
Mesûd Barzanî
Serokê Herêma Kurdistana - Iraqê
Hewlêr
07/03/2012
