Mesrûr Barzanî û Wezîrê Enerjiya Amerîka li ser veberhênana Amerîka li Kurdistanê gotûbêj kirin
Hewlêr-KDP.info- Serokwezîrê Herêma Kurdistanê Mesrûr Barzanî û Wezîrê Enerjî yê Amerîkayê li ser veberhênana zêdetir a Amerîkayê ya li Herêma Kurdistanê gotûbêj kirin.
Îro Pêncşema 12ê Mijdara 2020an, bi rêya peywendiyeke telefonî, Serokwezîrê Herêma Kurdistanê Mesrûr Barzanî û Wezîrê Enerjî yê Amerîkayê Dan Brouillette li ser pêşvebirina peywendiyên navbera Herêma Kurdistanê û Dewletên Yekbûyî yên Amerîkayê gotûbêj kirin, bi taybetî di warê enerjî û hêsankariyên li Herêma Kurdistanê yên di warê veberhênanê de.
Serokwezîr Mesrûr Barzanî amaje bi bernameya kabîneya nehem a Hikûmeta Herêma Kurdistanê kir li ser teşwîqa veberhênan û pêkanîna derfetên kar ji bo welatiyên Herêma Kurdistanê.
Mesrûr Barzanî herwiha spasiya piştevaniya Wezîrê Enerjiyê kir û daxwaza veberhênana zêdetir a Amerîkayê li Herêmê kir.
