Serok Barzanî û Serokê Dadweriya Iraqê: Divê Destûrê Iraqê were bicîhanîn
Hewlêr-KDP.info- Serok Mesûd Barzanî pêşwazî li şanda Encûmena Dadweriyê ya Iraqê kir û di wê hevdîtinê de herdu aliyan tekezî li ser cîbicîkirina Destûrê Iraqê kirin.
ÎroSêşema 29.9.2020 li Pîrmam Serok Barzanî pêşwazî li Serokê Encûmena Dadweriyê ya Iraqê Fayîq Zêdan û şanda pê re kir.
Di hevdîtinê de Serok Barzanî û şanda Iraqî rewşa siyasî û guhertin û pêşhatên dawî yên Iraqê nirxandin û ronahî xistin ser rewşa desthilata dadweriyê li Iraqê û peywendî û hemahengiya di navbera sazî û dezgehên dadweriyê yên Herêma Kurdistan û Iraqa Federal.
Di civînê de herwiha tekezî li ser rola desthilata dadweriyê di çareserkirina kêşeyên di navbera Hewlêr û Bexda de û bicîhanîna Destûrê Iraqê hat kirin.
