Erdogan: Hikûmeta herêma Kurdistanê dest ji Tirkiye barnede, Tirkiye bi çi avayî amade nîne dest ji wan berde

Recep Tayyip Erdogan ragehand ku li gor Destûra İraqê mafê Herêma Kurdistanê ye bazirganiyê ligel her welatekî bike û got: ‘’Di vê çarçoveyê de jî danîna xeta boriya veguhestina petrolê ji Herêma Kurdistanê bo Tirkiyê karekî yasayî ye û ne berevajiya destûra İraqê ye.’’

Serokwezîrê Tirkiyê Recep Tayyip Erdogan di civîneke çapemeniyê de got: ‘’ Eger hikûmeta herêma Kurdistanê dest ji Tirkiye barnede, Tirkiye bi çi avayî amade nîne dest ji hikûmeta herêma Kurdistanê berde bi taybetî di warê wize û petrolê de, em hewl didin di van wanan de peywendiyên xwe firetir û bi hêztir bikin, Tirkiye di warê bazirganiyê de hevkariya Herêma Kurdistanê dike û li beramber petrolê jê dikire.’’

Ev axaftina Erdogan, piştî daxwiyaniya çend roj berê ya Wezîrê Çavkaniyên Xwezayî yê Herêma Kurdistanê Aştî Hewramî tê ku gotibû; ‘’Me amadekarî kiriye bo ragehandina projeya danîna boriya veguhestina petrolê ji Herêma Kurdistanê bo Tirkiyê.’’