Mesrûr Barzanî pîrozbahî li Emîndarê Giştî yê Yekgirtûya Îslamî kir

Hewlêr-KDP.info- Serokwezîrê Herêma Kurdistanê Mesrûr Barzanî di peyamekê de pîrozbahî li Emîndarê Giştî yê Yekgirtûya Îslamî ya Kurdistanê Selahedîn Behadîn kir.

Peyam waha ye:

“Birêz mamosta Selahedîn Behadîn

Bi boneya pêkanîna kongreya heştem a Yekgirtûya Îslamiya Kurdistanê û helbijartina we birêz wek emîndarê giştî, pîrozbahî li we birêz dikim û herwaha rêveberiya nû û temamê endamên Yekgirtûya Îslamî ya Kurdistanê dikim.

Hêvîdar im serkeftina vê kongreyê, bibe sedemê karkirina zêdetir a Yekgirtûya Îslamî û hemû aliyên Kurdistanê bo pêşxistina yekîtiyê û yek helwêstiyê li ser pirsên niştimanî û xizmetkirina hemwelatiyên Herêma Kurdistanê.

Mesrûr Barzanî

Serokwezîrê Herêma Kurdistanê

29.12.2019”