Li Kurdistanê şehîdê nemir Idrîs Barzanî tê bi bîranîn

Bi minasebeta 26 saliya wexir kirina Şehîdê Nemir û Têkoşerê qehreman yê Gelê Kurd rehmetî Idrîs Barzanî, xelkê Kurdistanê çendîn merasim û çalakiyên curbicur saz kir.

 

Di vê çarçoweyê de li Dihuk, Hewlêr, Silimanî, Mêrgesûr, Soran, Qeladizê û çendîn Bajar û Bajarokên din yên Kurdistanê de çendîn semînarên curbicur di derbarê rol, xebat û jiyana Îdrîsê hertim zindî de hatin lidarxistin û di wan semînaran de rol, xebat û têkoşîna Nemiran ya di nava bizava rizgarîxwaz ya Gelê Kurd de bi girîng û Dîrokî hate wesifkirin.

 

Bi vê minasebetê dûhî li bajêrê Hewlêrê liqê Dû yê Partiya Demokrat a Kurdistanê simînarek bo birêz Xorşîd Şêre şoreşgerê şoreşa Îlonê û hevalê şehîdê nemir Idrîs Barzanî rêkxist.

 

Di destpêka vê simînarê de berpirsê liqê dû yê PDK Elî Hisên basa rola şehîdê nemir Idrîs Barzanî weku serkirdekekî mezin di bizava rizgarîxwaza Kurdistanê ku di qunaxeka dijwarde şiya weku pêşmerge û dîplomatkar rolekê pîroz bigêrê.

 

Piştre birêz Xorşîd Şêre hevalê canemerg Idrîs Barzanî di vê simînarê de basa çend bîreweriyên li gel şehîd kir û dûre amaje bi qunaza xebat û têkoşîna kak Idrîs weku kesayetiyekî bihêz û lêhatû li tenişt Barzanî yê nemir di şoreşa rizgarîxwaza gelê Kurdistanê kir