Parlamentoyê projeyasaya Serokatiya Herêma Kurdistanê pesend kir
Hewlêr-KDP.info- Parlementoya Kurdistanê projeyasaya Serokatiya Herêma Kurdistanê bi 89 dengan pesend kir.
Parlemena Kurdistanê ji bo pesendkirina projeyasaya Serokatiya Herêma Kurdistanê civiya û bi rêjeyeke zêde ya dengan, proje-yasa hate pesendkirin.
Parlementoya Kurdistanê îro Çarşemê (08.05.2019) bi mijara dengdana projeyasaya Serokatiya Herêma Kurdistanê civiya. Projeyasa bi dengê 89 parlamenteran hat qebûlkirin.
Piştî pejirandina projeyasaya Serokatiya Herêma Kurdistanê ji îro pê ve kesên ku mercên wan jê bigire dikarin bo kursiyê Serokatiya Herêma Kurdistanê serlêdanê bikin.
Herkesekî ku dixwaze xwe wek namzedê serokê Herêma Kurdistanê nîşan bide, pêwîst e ku ligel belgeyên lazim CVya xwe radestî Desteya Serokatiya Parlamentoya Herêma Kurdistanê bike.
Serokê Herêma Kurdistanê ji aliyê parlementoyê ve tê hilbijartin. Li Parlamentoya Kurdistanê 111 kursî hene û ji bo Serokatiyê Herêmê bi kêmanî 56 deng pêwîst dikin.
Wê du cîgirên serokê Herêmê hebin û desthilatên wan jî wê ji aliyê serokê Herêma Kurdistanê bixwe ve bêne destnîşankirin.
Li gorî encamê hilbijartina Herêma Kurdistanê dê vê xulê ew kursî ji PDKê re be û namzedê wê jî Nêçîrvan Barzanî ye.
