Nêçîrvan Barzanî û McGurk avakirina hikûmeta Iraqê gotûbêj kirin
Hewlêr-KDP.info- Serokwezîrê Herêma Kurdistanê Nêçîrvan Barzanî li gel Şanderê Taybet ê Serokê Amerîkayê bo Hevpeymaniya şerê dijî DAIŞê Brett McGurk civiya û herdu aliyan li ser pêşhatên dawî yên herêmê û diyaloga navbera aliyên siyasî yên Iraq û Herêma Kurdistanê ya ji bo pêkanîna kabîneya nû ya hikûmeta Iraqê gotûbêj kirin.
Êvara Duşema 27-08-2018an, Serokwezîrê Herêma Kurdistanê Nêçîrvan Barzanî pêşwaziya Şanderê Taybet ê Serokê Amerîkayê bo Hevpeymaniya şerê dijî DAIŞê Brett McGurk, Balyozê Amerîkayê li Iraqê Douglas Silliman û Konsulê Giştî yê Amerîkayê li Herêma Kurdistanê Steve Fagin û şanda li gel wan kir.
Di civînê de ku Balyozê Amerîkayê li Iraqê Douglas Silliman, Konsulê Giştî yê Amerîkayê li Herêma Kurdistanê Steve Fagin û şanda li gel wan amade bûn, herdu aliyan li ser pêşhatên dawî yên herêmê û diyaloga navbera aliyên siyasî yên Iraq û Herêma Kurdistanê ya ji bo pêkanîna kabîneya nû ya hikûmeta Iraqê gotûbêj kirin, bi awayekî ku hikûmeteke niştimanî be û di vê mijarê de rola Herêma Kurdistanê di gotûbêjan de bilind û giring nirxandin.
Di beşeke din a hevdîtinê de encama civîn û hevdîtinên şanda hevpeymaniyên ciyawaz ên Iraqê li gel aliyên siyasî yên Kurdistanê ku serdana Hewlêrê kiribûn û pêşhat û rewşa asayişa herêmê behs kirin.
Herwiha di civînê de her yek ji Serokê Dîwana Serokatiya Herêma Kurdistanê Dr. Fuad Husên, Wezîrê Navxweyî û Wezîrê Pêşmerge yê bi Wekalet Kerîm Şingalî û Berdevkê Hikûmeta Herêma Kurdistanê Sefin Dizeyî jî beşdar bûn.
