Dozgerê Giştî yê Kurdistanê sonda yasayî xwar

Hewlêr-KDP.info- Bi amadebûna Serokwezîrê Herêma Kuridistanê, Serokê Encûmena Dadwerî bi wekalet û Wezîrê Dadê yê Herêma Kurdistanê di marasîmekê de Hakim Azad Hesen Ehmed weke Dozgerê Giştî li himber serokwezîr sonda yasayî xwar.

Bi biryara Encûmena Dadwerî hejmara(24) ya 11.4.2018 Cîgirê Serokê Daxwazkarê Giştî Hesen Ehmed bo posta Serokê Dozgeriya Giştî hat destnîşan kirin ew yeke jî li gor madeya 10 bû.

Ji ber vê armancê îro Duşema 28.5.2018 û bi amadebûna Serokwezîrê Herêma Kurdistanê Nêçîrvan Barzanî, Serokê Encûmena Dadwerî bi wekalet Hakim Bengîn û Wezîrê Dadê yê Herêma Kurdistanê Sînan Celebî di merasîmekê de li himber Serokwezîrê Herêma Kurdistanê sonda yasayî xwar.

Serokwezîrê Herêma Kurdistanê Nêçîrvan Barzanî pêşwazî lê kir û hêviya serkeftinê jê re xwest.