Wezîrê Derve yê Tirkiyê gihîşt Hewlêrê

Hewlêr-KDP.info- Wezîrê Derve yê Tirkiyê Mevlut Çavuşoglu tevî şandekê gihîşt Hewlêra paytexta Herêma Kurdistanê.

Piştî serdana xwe ya bo Bexdayê, îro danê êvarî Mevlut Çavuşoglu bi rêya Firokexaneya Navdewletiya Hewlêrê ve gihîşt Kurdistanê.

Mevlut Çavuşoglu li firokexaneyê ji aliyê Berpirsê Fermangeha Pêwendiyên Derve ya Herêma Kurdistanê Felah Mistefa û Wezîrê Navxwe û Wekîlê Wezîrê Pêşmerge Kerîm Şingalî ve hat pêşwazîkirin.

Biryar e, Çavuşoglu di vê serdana xwe de bi Serokê Herêma Kurdistanê Mesûd Barzanî re bicive.

Wezîrê Derve yê Tirkiyê berî ku serdana Kurdistanê bike, duh şev çûbû Bexda ya paytexta Iraqê û îro bi Serokomarê Iraqê Fuad Mehsûm, Serokwezîrê Iraqê Heyder Ebadî, Wezîrê Derve yê Iraqê Îbrahîm Ceiferî, Serokê Parlamentoya Iraqê Selîm Cibûrî û çend siyasetmedarên tirkmen re hevdîtin pêk anîbû.