Komîsyona Hilbijartinan: Em ji helbijartinên parlamento û serokatiyê re amade ne

Hewlêr-KDP.info- Komîsyona Bilind a Serbixwe ya Hilbijartinan û Referandumê ya Herêma Kurdistanê, fermana Serokê Herêma Kurdistanê Mesûd Barzanî ya derbarê dema sazdana referanduma serxwebûnê û her du hilbijartinên parlamento û serokatiya herêmê pesend kir.

Encumena Komîseran a Komîsyona Bilind a Serbixwe ya Hilbijartinan û Referandumê ya Herêma Kurdistanê, ji bo ku bersiva fermana herêmî ya Barzanî ya derbarê dema sazdana referandumê, birêveçûna her du hilbijartinên parlamentoyê û serokatiya herêmê û çend mijarên din, îro duşembî 14ê Tebaxê civiya.
Rêveberiya Komîsyona Hilbijartin û Rapirsiyan ya Kurdistanê îro li ser fermana Serokê Herêma Kurdistanê Mesûd Barzanî bo encamdana referandom û hilbijartinên giştî yên Kurdistanê civiya.
Piştî civînê, Berdevkê Komîsyonê Şêrwan Zirar daxuyaniyek da û ragihand, di civînê de bi piraniya dengan fermana Serok Barzanî hat pesendkirin û hat gotin ku komîsyon dikare pê re bigihê.
Serokatiya Herêma Kurdistanê di 12ê meha bihorî (Tîrmeh) de, bi fermanekê Komîsyona Bilind a Serbixwe ya Hilbijartinan û Referandumê ya Herêma Kurdistanê erkdar kir, ku amadekariyên bo hilbijartinên parlamentoyê û Serokatiya Herêma Kurdistanê dest pê bike.