Davutoglu: Qedera Kurdên Sûrîyê Qedera Me ye jî

Wezîrê Derve yê Tirkîyê Ahmet Davutoglu, dibêje, qedera Kurdên Sûrîyê qedera me ye jî û daxwaz dike ew jî beşdarî Koalîsyona Hêzên Opozisyona Şoreşa Sûrîyê bibin.

 Li gor ajansan Wezîrê Derve, roja Yekşemê li ser budçe û sîyaseta Wezareta Derve, li parlamenê gotarek pêşkeş kir. Davutoglu, bendewarîya xwe jibo beşdarbûna Kurdên Sûrîyê ya nav koalîsyona opozisyonê bilêv kir.

 Ew, herwiha îdia dike, Partîya Yekîtîya Demokratîk (PYD), hevkarîya desthilatîya Serokê Sûrîyê Beşar Esed dike ku ew, jiber vê yekê li dijî wê ne.