Hewramî: PDKê hewla çalakirina Perlemantoya Kurdistanê dide

 

Di wê hevdîtinê de, Hewramî ji şanda mêvan re behsa rewşa siyasî û leşkerî ya navçeyê û Kurdistanê kir û got Herêma Kurdistanê gelek qurbanî ji bo azadiya mirovatiyê da, lê mixabin li gorî wan qurbaniyan piştgîrî û alîkariyên pêwîst jê re nehat, lewma daxwaza alîkariyên leşkerî dikin bo jinavbirina terorê.

 

Hewramî behsa rewşa navxwe ya Kurdistanê jî kir û got ku rast e nakokiyên siyasî li Herêma Kurdistanê hene lê ev yek nayê wê wateyê ku rewşa Kurdistanê xerab e û nearamî lê heye. Herwiha da zanîn ku hinek aliyên siyasî ji demokrasiyê fêm nekirine û rewşê aloz dikin, lê PDKê niha hewla çalakirina Parlemantoya Kurdistanê dide.

 

Şanda Brîtanya bi çavekî mezin li qehremaniya Hêzên Pêşmerge nerî û spasiya wan kir û got, eger ew vegerin welatê xwe dê piştgîrî û hevkariyên zêdetir bidin Herêma Kurdistanê, ji ber ku ji wan re eşkere bû ku gelê Kurdistanê gelekî dilfireh û xwedî nirx in û deriyê xwe ji koçberan re vekirin.