Neçîrvan Barzanî: Piştî şerê Mûsilê, emê behsa serxwebûnê bikin

 

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand,

 

piştî operasyona Mûsilê, ew dê bi Iraqê re derbarê serxwebûna Kurdistanê dest pê

 

bikin.

 

 

 

Serokwezîrê Herêma Kurdistanê Nêçîrvan Barzanî bi rojnameya Bild a almanî re

 

hevpevînek kir û behsa operasyona kontrolkirina Mûsilê û serxwebûna Başûrê

 

Kurdistanê kir.

 

 

 

Neçîrvan Barzanî derbarê operasyona Mûsilê û dema wê de ragihand, li gorî

 

peşbîniyan, dê di navbera 3 mehan de bajarê Mûsilê ji destê çekdarên DAIŞê were

 

derxistin.

 

 

 

Neçîrvan Barzanî got, Hêzên Pêşmerge û Artêşa Iraqê bi lez bi pêş dikevin, lê belê

 

da xuyakirin, ku ew nizanin DAIŞ dê berevaniyeke çawan bike.

 

 

 

Serokwezîrê Herêma Kurdistanê li ser mijara serxwebûna Kurdistanê ji rojnameya

 

Bild a almanî re ragihandiye: “Ji mêj ve dema wê hatiye, lê belê niha bala me li ser

 

şerê li dijî DAIŞê ye.”

 

 

 

Neçîrvan Barzanî got, bi zûtirîn dem piştî rizgarkirina Mûsilê, ew dê li gel berpirsên

 

Bexdayê bicivin û bi wan re li ser serxwebûna Herêma Kurdistanê gotûbêjan bikin.

 

 

 

Derbarê lidarxistina referandumê de jî, Serokwezîrê Herêma Kurdistanê daye

 

xuyakirin: “Em Kurd in û me netewa xwe heye. Emê rojekê referandumê bo

 

serxwebûna Kurdistanê encam bidin û emê rê bidin ku xelkê Kurdistanê di vê

 

bareyê de biryarê bide, çimku piştî 2003 me hêvî bi iraqeke demokrat hebû, lê

 

belê ew Iraq rastî şikestinê hat.”

 

 

 

Neçîrvan Barzanî herwiha daxwaza dabînkirina çekên zêdetir ji hevpeymanan û bi

 

taybet jî welatê Almanyayê kir.

 

 

 

Serokwezîr Barzanî diyar kir, ku alîkariyên pêştir ên Almanya bo Hêza Pêşmerge û

 

bi taybet pêşkêşkirina roketên Mîlan, di şerê li dijî DAIŞê gelek alîkariya Hêzên

 

Pêşmerge kiriye, lê belê di şerê vê carê de pêwîstî bi çekên zêdetir hene.