Mehma Xelîl: Şingal tenê hewce bi Pêşmerge heye

 

Şingal-KDP.info- Qayîmeqamê Şingalê Mehma Xelîl dibêje, divê PKK ji Şingalê

 

derkeve ji ber ku pêwîstiya me bi wan tune ye û tenê Şingal hewce bi Hêzên

 

Pêşmerge heye.

 

Mehma Xelîl ji malpera KDP.info re ragihand: “Parlemantoya Iraqê biryar daye ku

 

ti hêzeke biyanî mîna Mucahedîn Xelq û artêşa Tirkiyê û PKKê li ser axa Iraqê

 

nemîne, lewma niha pêdviya Şingalê bi PKKê tune ye û gerek çekdarên wan

 

derkevin.”

 

Xelîl wiha got: “Şingal bi piştevaniya Hêzên Pêşmerge dikare Şingalê biparêze.

 

Dema şerê Kobanê, Pêşmerge çûn wî bajêrî û piştî ku ew bajar rizgar kirin û piştre

 

di cih de vegeriyan Başûrê Kurdistanê. Eger PKK jî li vir be bo alîkariya me bike, em

 

ji wan re dibêjin pêdviya me bi wan tune ye û Hêzên Pêşmerge me diparêzin.”

 

Qayîmeqamê Şingalê wiha domand: “Beriya 2 rojan terorîstên DAIŞê êriş mezin

 

kirin ser rojavayê Şingalê û Hêzên Pêşmerge bi tundî bersiva wan dan û 70 kes ji

 

wan kuştin. Ev yek jî tê wateya wê yekê ku pêdviya Şingalê bi hêzeke din tune ye û

 

tenê Pêşmerge wê diparêze.”

 

Mehma Xelîl ragihand: “Em naxwazin PKK Şingalê bike cihê hevrikiya herêmî û li

 

wir meramên xwe yên siyasî cîbicî bike, ev yek jî bû sedem ku Tirkiye bêje ez hêza

 

xwe ji Iraqê venakşînim. Ji berjewendiya PKK û Herêma Kurdistanê ye ku PKK ji

 

Şingalê vekişe.”