Fermandarê Pêşmerge: Em hewl didin ziyan negihê xelkê gundan

 

Başîk-KDP.info- Fermandarekî Pêşmerge dibêje, Hêzên Pêşmerge berdewam in li

 

ser paqijkirina gundan, lê dixwazin bi awayekî be ku ti ziyan negihên xelkên sivîl, ji

 

ber ku hin gund xelk di wan de mane.

 

Emîd Seyid Hejar Fermandarê Hêzên Pêşmerge li nêzîkî Mûsilê ji malpera KDP.info

 

re ragihand: “Gelek gundên derdora Mûsilê ji aliyê Hêzên Pêşmerge ve hatine

 

rizgarkirin û niha tên paqijkirin, lê beşek ji wan gundan mane ku ew jî bên

 

paqijkirin û xelkê sivîl di wan de ne, lê em hewl didin di dema paqijkirina gundan

 

de ti ziyan negihên xelkê, lewma em lezê nakin.”

 

Hejar wiha got: “Niha Başîk û çend gund mane ku bên paqijkirin û piroseya

 

paqijkirinê berdewam dike û ew jî dê nêzîk bidawî werin.”

 

Wî fermandarê Pêşmerge wiha domand: “Gelek kes dixwazin ji destê terorîstan

 

birevin, lê ew terorîst nahêlin. Tevî wê yekê jî gelek malbatan xwe rizgar kirine û

 

berê xwe dane navçeyên bin destê Pêşmerge.”