Serokwezîrê Swêdê gihîşt Hewlêrê

Hewlêr-KDP.info- Serokwezîrê Swêdê Stefan Lofven di çarçoveya serdaneke fermî de gihîşt Başûrê Kurdistanê.

Îro Duşemê 24ê Cotmeha 2016, Serokwezîrê Swêdê Stefan Lofven bi rêya firokexaneya navdewletî ya Hewlêrê gihîşt Herêma Kurdistanê û li firokexaneyê ji aliyê Serokwezîrê Herêma Kurdistanê Nêçîrvan Barzanî ve hat pêşwazîkirin.

Di merasîma fermî ya pêşwazîkirinê de, herwiha Cîgirê Serokwezîrê Herêma Kurdistan Qubad Talebanî, Wezîrê Navxwe û Wezîrê Pêşmerge bi wekalet Kerîm Şingalî, Serokê Dîwana Serokatiya Herêma Kurdistanê Fuad Hisên û Berpirsê Fermangeha Pêwendiyên Derve yê Herêma Kurdistanê Felah Mistefa jî amade bûn.

Biryar e, Setfan Lovmen bi Serokwezîr Nêçîrvan Barzanî û herwiha Serokê Herêma Kurdistanê Mesûd Barzanî re bicive.