Efendî: Me bi dehan gundên girîng û stratejîk rizgar kirin

 

Başîk-KDP.info- Fermandarê Giştî yê Hêzên Pêşmerge li Eniya Başîkê Hemîd Efendî

 

ragihand ku îro hêzên wan 5 gundên din ên mezin rizgar kirin.

 

Hemîd Efendî Fermandarê Giştî yê Hêzên Pêşmerge li Eniya Başîkê ji malpera

 

KDP.info re ragihand: “Hevpeymaniya Navdewletî bi fermî destxweşî li Serok

 

Barzanî kir ku bi awayekî pir serkeftî nexşeya leşkerî cîbicî kirin û pêş dikevin û

 

niha gelekî nêzkî bajarê Mûsilê bûne û li ser fermana Serok Barzanî pêşdikevin.

 

Heta niha bi dehan gund û navçeyên girîng û stratejîk hatine kontrolkirin û DAIŞ tê

 

de nemane.”

 

Wî fermandarê Pêşmerge wiha got: “Ligel êrişa Hêzên Pêşmerge, balafirên

 

Hevpeymaniya Navdewletî jî li cih û navend û otomobîlên DAIŞê didin, lê eger ne ji

 

hevahengiya bejayî be, balafir nikarin tiştekî bikin, ku li ser erdê cihê DAIŞê ji wan

 

re tên diyarkirin û piştre balafir li wan didin.”

 

Efendî wiha domand: “Hêzên Pêşmerge herwiha niha riya sereke ya Artêşa Iraqê

 

xweş dike bo êrişa ser bajarê Mûsilê, ku derbasî nava bajêr bibin, li hin eniyan jî

 

Hêzên Pêşmerge pir nêzîkî bajêr bûne û xelk jî wan dibînin, lewma ez bawer dikim

 

ku DAIŞ nikare xwe li ber êrişên Pêşmerge bigire. Herwiha divê Hêzên Pêşmerge

 

ha ji xwe hebin û ziyan negihên wan.”