Serok Barzanî: Bi çi nirxekî be, divê Kerkûk were parastin

 

Hewlêr-KDP.info- Serokê Herêma Kurdistanê Mesûd Barzanî derbarê êrişa duh ku

 

çekdarên DAIŞê li ser Kerkûkê pêk anîbûn, got bi çi nirxekî be, divê Kerkûk were

 

parastin.

 

 

Serokê Herêma Kurdistanê Mesûd Barzanî derbarê êrişa duh a DAIŞê li ser

 

Kerkûkê de daxuyanî da û got, divê bi çi nirxekî be jî divê bajarê Kerkûkê were

 

parastin.

 

 

Ev jî tekesta wê peyamê ye:

 

Bi navê xwedayê mezin û dilovan

 

Di derbarê êrîşa roja înê 21.10.2016 ya li ser bajarê Kerkûkê spasî xweragirî û

 

hevkariya xelkê xweşdiviyên bajarê Kerkûk û saziyên ewlehiyê dikim, û pirse û

 

serxweşiyên xwe ji bo kesukarên şehîdên êrîşa terorîstî radigihînim û hêviya

 

başbûnê ji bo birîndaran dixwazim.

 

 

Ev êrîş hewleke neçar a terorîstan e bo qerebûkirina şikestinên wan li hember

 

Hêzê Pêşmerge li eniyên şer. Ligel wê jî welatiyên bajarê Kerkûkê û hemû gelê

 

Kurdistanê ji wê yekê piştrast dikim ku pişt bi xwedayê mezin bi îradeyekî bihêz û

 

bi yekrêziya Pêşmerge û xelkê dilsoz rûbirûyê terorîstan radiwestin û hewlên wan

 

têkdişkînin.

 

 

Her di destpêka êrîşa roja înê min bi hûrî dîvdaçûna rewşê kiriye û min birêz Cîgirê

 

Serokê Herêma Kurdistanê Kosret Resûl û Parêzgeha Kerkûkê û hejmarek ji

 

berpirsên serbazî û emnî erikdar kir ku bilez kontrola rewşê bikin.

 

 

Herwiha niha ew rêzdar xwedî desthilatekî berfireh in ku tedbîrên pêwîst ji bo

 

pêdaçûna bi plana ewlehî ya bajar û sînorê Parêzgeha Kerkûkê bikin, ku ew jî bi

 

navê parastina Kerkûk û welatiyên sînorê wê parêzgehê ye û rêgirtin li êrîş û

 

destdirêjiya terorîstan û her rûdanekî nexwestî ye.

 

 

Bi çi nirxekî be pêwîst e Kerkûk parastî be û nekevê destê dijminan.

 

 

Mesûd Barzanî

 

Serokê Herêma Kurdistanê

 

22.10.2016