Pêşmerge li Başîkê pêş dikevin..8 gund li Naweran hatin rizgarkirin

 

Başîk-KDP.info- Pêşkeftinên Hêzên Pêşmerge li eniya Başîkê berdewam in.

 

Berpirsê eniya Naweran ya bakurê Mûsilê jî dibêje Hêzên Pêşmerge heta niha li

 

eniya wan 8 gund azad kirine.

 

Efserê Pêşmerge ji Lîwaya Bejayî Neqîb Salar Zêbarî ji malpera KDP.info re

 

ragihand, “Pêşkeftinên Pêşmerge li Başîkê berdewam in ku bi aliyê navenda wê

 

nahiyeyê ve diçin. Lê DAIŞê gelek mayîn danîne û bi xwekuj û otomobîlên

 

bombekirî li ber xwe dide, ku tenê li eniya me Pêşmerge 6 otomobîlên wan

 

teqandin. Rast e heta niha navenda nahiya Başîkê nehatiye girtin, lê ew navçe bi

 

temamî ketiye bin kontrola Hêzên Pêşmerge de.”

 

Li eniya Naweranê jî, ku li wir jî Hêzên Pêşmerge pêş dikevin, Berpirsê wê eniyê

 

Serbest Tirwanşî ji malpera KDP.info re ragihand, “Hêzên Pêşmerge li eniya me

 

gihîştine hin armancên xwe û ew cihên ku ji wan re hatibû diyarkirin, gihîştine wir,

 

ku 8 km pêş ketine û 8 gund ji destê DAIŞê derxistine, ku ti gund li wê eniyê di

 

destê DAIŞê de nemane.”