Kerkûkî: Serkeftina Pêşmerge di operasyona Mûsilê de pir girîng e

 

Kerkûk-KDP.info- Berpirsê Eniya Rojavayê Kerkûkê Dr. Kemal Kerkûkê dibêje, ev

 

serkeftinên çend rojên borî yên Hêzên Pêşmerge di operasyona rizgarkirina Mûsilê

 

de pir girîng in.

 

Dr. Kemal Kerkûkê Berpirsê Eniya Rojavayê Kerkûkê ji malpera KDP.info re

 

ragihand: “Ev serkeftinên niha yên Hêzên Pêşmerge di operasyona Mûsilê de, wek

 

serkeftinên berê yên Pêşmerge li eniyên din bi serperiştiya Serok Barzanî, pir

 

girîng in. Hêzên Pêşmerge serkeftin li pey serkeftinê bidest ve tînin û karîn

 

efsaneya DAIŞê bişkînin û bûn mînakekî bihêz û pilebilind di rûbirûbûna terorê de.

 

Em piştrast in ku Pêşmerge serkeftinên mezintir bidestve bînin.”

 

Kerkûkî wiha got: “Hêzên Pêşmerge li cîhanê yekemîn hêz bûn ku karîn li ser erdê

 

metirsiya terorîstên DAIŞê têk bibin, herwiha aliyên din jî piştre çav li Pêşmerge

 

kirin. Piştî van hemû qurbaniyan jî Hêzên Pêşmerge ji wan navçeyên azadkirî

 

venakiştin.”

 

Wî fermandarê Pêşmerge û Endamê Polîtburoya PDKê wiha domand: “Dema

 

pirsgirêk bi dadperweriyê çareser bibin dê aramî û asayîşa li navçeyên azadkirî

 

belav bibe û hemû pêkhate bigihên mafên xwe. Herwiha pêwîst e Bexda îtîrafê bi

 

mafê Kurdan bike, ku mafekî yasayî û destûrî ye ku Kurd biryarê li ser çarenivîsa

 

xwe bidin.”