Cemal Mortke: DAIŞ nema kare bergiriyê bike..Terorîst direvin

 

Giwêr-KDP.info- Berpirsê eniya Giwêr Cemal Mortke dibêje, Hêzên Pêşmerge li

 

eniya Giwêr di rewşa amadebaşiyê de ne û terorîstên DAIŞê jî nema Karin li ber

 

xwe bidin û direvin.

 

 

Cemal Mortke ji malpera KDP.info re ragihand: “Hêzên Pêşmerge li eniya Giwêr

 

hêj pêşde neçûne lê di rewşa amadebaşiyê de ne bo ku piştevaniya artêşa Iraqê

 

bikin di êrişa li ser bajarê Mûsilê de.”

 

 

Mortke wiha got: “Moralê DAIŞ bi temamî têk çûye û tenê bi riya danîna

 

bombeyan dixwazin rê li pêşiya pêşdeçûnên Pêşmerge û artêşa Iraqê bigirin. DAIŞ

 

tenê dixwaze demê bikuje û em dereng biçin nava bajarê Mûsilê, lê di rastiyê de

 

çekdarên wan nikarin bergiriyê li xwe bikin û direvin.”

 

 

Li gorî wî fermandarê Pêşmerge, “Hêzên wan li eniya Giwêrê pêşde naçin heta ku

 

ferman ji serî ji wan re neyê, ku pilana me ew e çend gundên ereban kontrol bikin,

 

ji ber ku gundên kurdan li vê eniyê berê hemû hatine azadkirin.”