Pisporekî siyasî: Bi rizgarkirina Mûsilê dê nexşeya Iraqê jî bê guhertin

 

Hewlêr-KDP.info- Mamosteyekî zanîngehê û pisporê siyasî dibêje bi rizgarkirin

 

bajarê Mûsilê ji destê terorîstan dê guhertin bi ser nexşeya Iraqê jî bê. Herwiha

 

dibêje, piştî derxistina DAIŞ ji Mûsilê dê Hihûmeta Iraqê nikaribe wek berê biryarê

 

li ser çarenivîsa wî bajêrî bide.

 

Zêrevan Berwarî Mamosteyê Zanîngehê û Pisporê Siyasî ji malpera KDP.info re

 

ragihand: “Bi nêrîna min ligel girtina Mûsilê dê guhertin bi ser nexşeya siyasî ya

 

Iraqê were, ku ew guhertin dê li ser bingeha berjewendiyên siyasî bin û ew

 

guhertin dê li ser nexşeya ciyosiyasî ya Mûsilê be. Heta niha Kurd, Şîe û Sune li ser

 

dabeşkirina Mûsilê lihev nekirine, lê ez dibînim ku piştî rizgarkirina wî bajêrî dê

 

têgiheştinek siyasî çêbibe û guhertin bi ser nexşeya siyasî çêbibe.”

 

Berwarî wiha got: “Ji hemû tiştî giringtir, piştî rizgarkirina Mûsilê dê dewleta Iraqê

 

nikaribe biryarê li ser çarenivîsa wî bajêrî bide, ji ber ku Mûsil bûye dosyeyekî

 

herêmî û gelek aliyên herêmî di girtina wî de beşdar in û ew yek bandorekê li ser

 

biryara siyasî dike. Ji aliyekî din ve destêwerdana welatên herêmî di piroseya

 

rizgarkirina Mûsilê de bandorê li ser wê piroseyê dike lê bawer nakim ku ew yek

 

piroseyê têk bide, lê dibe ku nakokî di navbera Tirkiye û Îran de çêbibe.”