Pilanek hevbeş heye bo romalkirina şerê Mûsilê

 

Başîk-KDP.info- Rêveberê Giştî yê Ragihandin û Rewşenbîriyê di Wezareta

 

Pêşmerge ya Herêma Kurdistanê de Emîd Helgurd Hîkmet ragihand ku pilanekî

 

hevbeş heye bo şopandina piroseya azadkirina Mûsilê ji aliyê medya ve û her

 

pêşdeçûnek dê tenê bi riya kongireyên rojnamevaniyê û daxuyaniyên fermî bên

 

ragihandin.

 

 

 

Emîd Helgurd Hîkmet Rêveberê Giştî yê Ragihandin û Rewşenbîriyê di Wezareta

 

Pêşmerge ya Herêma Kurdistanê de ji malpera KDP.info re ragihand: “Pilanekî

 

hevbeş heye bo şopandina piroseya azadkirina Mûsilê ji aliyê medya ve, ew jî wek

 

wan navên wan televizyonên ku dikarin wî şerî bişopînin û biçin eniyên şer.”

 

 

 

Hîkmet wiha got: “Eşkerekirina pêşhatên dawî yên şer emê hewl bidin ku bi riya

 

kongireyên rojnamevanî yan daxuyaniyên fermî bin, ku her roj dê çend

 

daxuyaniyên fermî bên belavkirin. Ji aliyekî din ve Serokê Herêma Kurdistanê

 

Mesûd Barzanî wek Fermandarê Giştî yê Hêzên Çekdar li Herêma Kurdistanê dê

 

serperiştiya tevahiya wê operasyonê bike û dê daxuyaniyên fermî ji ofîsa wî

 

derkevin.”

 

 

 

Emîd Helgurd Hîkmet wiha domand: “Bo şerê Mûsilê hevahengî û têgiheştineke

 

mezin di navbera hevpeymaniya navdewletî û di nav de jî Hêzên Pêşmerge û

 

artêşa Iraqê de heye, ji ber ku wek em dizanin li ser astekî pilebilind di navbera

 

Serok Barzanî û Hikûmeta Iraqê de rêkeftinek siyasî û leşkerî di navbera Hewlêr û

 

Bexdayê de hat kirin. Ji aliyekî din ve ew hêzên ku hatine navçeyê bo şerê Mûsilê

 

hemû hêzên artêşa Iraqê ne û bi ti awayekî Heşda Şeibî di nava wan de tune ye.”