Serok Barzanî: Me û Bexda li ser Mûsilê lihev kiriye..Pêşmerge amade ne

 

Hewlêr-KDP.info-Serokê Herêma Kurdistanê Mesûd Barzanî got ku Hewlêr û

 

Bexda li ser wê yekê rêkeftine ku ji bo kontrol û serpereştiya rewşa piştî azadkirina

 

Mûsilê komîteyekî hevbeş bê avakirin.

 

 

 

Ev jî tekesta wê peyamê ye:

 

Bi navê xwedayê mezin û dilovan

 

Ev demeke dirêje li ragihandin û navendên siyasiyên navxweyî û derveyî behsa

 

amadekariyên operasyona azadkirina Musilê tê kirin û têkşikandina DAIŞê û

 

azadkirina Musilê jî ji bo Herêma Kurdistanê girîngiyeke xwe ya taybet heye û

 

ewlewiyeta siyaseta Herêma Kurdistanê ye.

 

 

 

Bi pêwîstî dizanim li vî derbarî de bi hemû aliyek ragihînim ku amadekariyên

 

tevahî ya destpêka operasyona azadkirina Musil hatiye kirin û li vê çarçêweyê da jî

 

rêkkeftin li navbera hêzên Pêşmerge û hêzên Artêşa Iraqê da hatiye kirin.

 

 

 

Di vê rêkkeftinê da jî çawayiya operasyonê û kar û erkê serbazî ya hemû hêz û

 

yekîneyên beşdarbûyên operasyonê bi hurî hatine diyar kirin û pabendbûna

 

tevahî ya hêzên Pêşmergeyên Kurdistanê bi cîhkirina rêkkeftinê de dûpat dikin.

 

 

 

Hemahengiyeke tevahî li navbera Pêşmerge û hêzên artêşa Iraqê heye û hemû

 

hewlek jî didin ku pêkve nehêlîn hîç rûdaneke nexwastî bê pêş.

 

 

 

Her wiha Hewlêr û Bexda li ser ewe rêkkeftine ku komîteyekî bilinda siyasî û

 

hevbeş bê pêkanîn ji bo kontrol û serpereştîkirina rewş û pêşhatên li piştî

 

azadkirina Musilê.

 

 

 

Hêviya wê yekê dixwazim operasyona azadkirina Musil bi serkeftî bê encamdan û

 

nîştecihên bajarê Musilê jî ji zulma terorîstên DAIŞê rizgar bibin û xelkê koçberên

 

Musil û parêzgeha Neynewa bi bexteweriyê de vegerin bajar û navçeyên xwe.

 

 

 

Mesûd Barzanî

 

15.10.2016