Parlemanterekî Kurd li Bexda: PKK beşdarî şerê Mûsilê nabe

 

Bexda-KDP.info- Nûnerekî Kurd di Parlemantoya Iraqê de red dike ku PKK di şerê

 

Mûsilê de beşdar be, ji ber Hevpeymaniya Navdewletî û Heyder Ebadî ji wan re

 

gotine PKK beşdar nabe. Ew parlemanterê Kurd herwiha dibêje hin aliyên Kurdî

 

pereyan ji Bexdayê werdigirin û ji PKKê re dişînin.

 

 

Dr. Macid Şingalî Parlemanterê PDKê li Bexdayê ji malpera KDP.info re ragihand:

 

“Li gorî agahiyan PKKê 4 hezar çekdarên xwe bo şerê Mûsilê amade kirine û niha

 

ew çekdar li nava axa Herêma Kurdistanê ne, ev jî pêngavekî şaş e û Enqere bi

 

zelalî ji Bexdayê re gotiye ku heta ew hêzên bi navê PKKê li Iraq û Herêma

 

Kurdistanê ne li wir bin, Tirkiye hêza xwe ji Iraqê venakişîne, lê min bi xwe ji Ebadî

 

bihîst ku bi ti awayekî PKK beşdarî şerê Mûsilê nabe.”

 

 

Wî parlemanterê Kurd wiha got: “Ez jî gihîştime wê baweriyê ku PKK di şerê

 

Mûsilê de beşdar nabe, û Amerîka û hevpeymaniya Navdewletî dê biryarê bidin ku

 

dê kîja hêza beşdar be di şerê Mûsilê de û bi ti awayî nahêlin PKKê di wê

 

operasyonê de beşdar bibin.”

 

 

Şingalî wiha domand: “Eger PKK bo alîkariya Herêma Kurdistanê û Şingalê hatibe,

 

me ji wan re gotiye ku erkê wan bi dawî hatiye û ji kerema xwe re vegerin cihên

 

xwe û li Bakur û Rojavayê Kurdistanê xebatê bikin. Bexda dibêje em pereyan ji

 

PKKê re naşînin lê hin alî pereyan ji Bexdayê distîne û ji PKKê re dişênin.”