Hewramî: Serdana Serok Barzanî bo Bexdayê bo qonaxa piştî DAIŞê ye

 

Hewlêr-KDP.info- Berpirsê Pêwendiyên Derve yên PDKê Hêmin Hewramî

 

duhî pêşwazî li Konsulê nû yê Fransa li Herêma Kurdistanê Domînîk Mas kir

 

û di wê hevdîtinê de eşkere kir ku beşek ji serdana Serok Barzanî bo

 

Bexdayê, gotûbêjkirina Iraqa piştî DAIŞê ye.

 

Hewramî di destpêka hevdîtinê de behsa rewşa siyasî û leşkerî ya Herêma

 

Kurdistanê û navçeyê bi giştî bo Konsulê Fransa kir û got ku PDKê dixwaze

 

rewşa navçeyê aram bibe û teror jinav biçe.

 

Hewramî behsa serdana sibê ya Serok Barzanî bo Bexdayê û civîna wî ligel

 

berpirsên Hikûmeta Iraqê kir û ragihand ku mebesta sereke ji wê serdanê

 

gotûbêjkirina operasyona Mûsilê û pêwendiyên di navbera Hewlêr û

 

Bexdayê de ye, herwiha beşek ji wê serdanê dê li ser Iraqa piştî DAIŞê be.

 

Ji aliyê xwe ve, Domînîk Mas ragihand ku divê Herêma Kurdistanê û Fransa

 

hewlên zêdetir bidin bo bihêzkirina pêwendiyên di navbera herdu gelên

 

Kurd û Fransî de.