Zêbarî: Civîna Parlemantoya Iraqê nedestûrî bû..Karekî siyasî û tolhildan bû

 

Hewlêr-KDP.info- Wezîrê Darayî yê Iraqê Hûşyar Zêbarî ragihand, pêngava

 

Parlamentoya Iraqê bo wergirtina baweriyê ji wî û dûrxistina wî ji wezaretê

 

tolhildan bû û ew civîn nedestûrî bû.

 

 

 

Wezîrê Darayî yê Iraqê Hûşyar Zêbarî îro pênşemî 22ê Îlona 2016 li bajarê

 

Hewlêr konfranseke rojnamevanî li dar xist.

 

 

 

Di vê konfransa rojnamevanî de, Hûşyar Zêbarî derbarê standina baweriyê ji

 

wî ji aliyê Parlamentoya Iraqê ve zanyariyên dide.

 

 

 

Hûşyar Zêbarî di destpêka axavtina xwe de, amaje bi civîna duh a

 

Parlamentoya Iraqê û biryara parlamentoyê bo wergirtina baweriyê ji wî kir

 

û him civîna parlamentoyê û him jî biryara wergirtina baweriyê bi neyasayî

 

bi nav kir.

 

 

 

Hûşyar Zêbarî ragihand, şêwaza standina baweriyê û şêweya arastekirina

 

pirsyarê di civîna parlamentoyê de neyasayî bû.

 

 

 

Zêbarî ragihand, heta rûniştina roja 27ê Tebax a 2016 a Parlamentoya Iraqê

 

jî neyasayî bû û wan li ser wê rûniştina parlamentoyê gilî li cem Dadgeha

 

Federal tomar kiriye.

 

 

 

Zêbarî herwiha da xuyakirin, biryara standina baweriyê ji wî weke karekî

 

siyasî û tolhildanekê bû.

 

 

 

Wezîrê Darayî yê Iraqê di berdewamiya axavtina xwe de destnîşan kir:

 

“Renge hinek (kes û alî) dilê xwe xweş bikin, ku bi wergirtina baweriyê ji

 

Zêbarî, PDK û Serok Barzanî şikestin, lê belê ew ji wê yekê mezintirin û

 

Serok Barzanî ji Zêbarî mezintir e.”

 

 

 

Hûşyar Zêbarî diyar kir, ku ew amade ye hemû dosyayên Wezareta Darayî

 

ya Iraqê aşkera bike.

 

 

 

Zêbarî tekez kir, ku Fraksyona Dewleta Qanûnê û şexsê Nûrî Malikî renge

 

kîneke mezin hebin, nek tenê li hember Kurd û Hikûmeta Herêma

 

Kuridstanê, belku li hember Serokwezîrê Iraqê Heyder Ebadî jî û dixwazin

 

hikûmeta wî rastî şikestinê bînin.