Serok Barzanî Cejna Qurbanê pîroz kir..Berxwedana gelê me dê biencam bibe

 

Hewlêr-KDP.info- Serokê Herêma Kurdistanê Mesûd Barzanî, bi helkefta

 

cejna Qurbanê peyamek pîrozbahiyê belav kir û ragihand, berxwedana gelê

 

Kurdistanê dê bi encam bibe.

 

 

Serokê Barzanî, bi helkefta cejna Qurbanê, ku sibê ye, peyamek belav kir.

 

Barzanî di peyama xwe de pîrozbahî li malbatên şehîdan, birîndaran, hêzên

 

Pêşmerge û tevahiya hêzên ewlehiyê yên Kurdistanê kiriye.

 

 

Peyama Serok Barzanî wiha ye:

 

Bi navê xwedayê mezin û dilovan,

 

Bi helkefta hatina cejna pîroza Qurbanê ve pîrozbahiyê li xelkê Kurdistanê û

 

hemû musilmanên Iraq û cîhanê dikim. Pîrozbahiyê li malbatên serbilindên

 

şehîdan dikim ku bi xwîna azîzên xwe azadî û rûmeta welatê me parastiye.

 

Pîrozbahiyê li birîndarên şerê dijî terorîstên Da'îş dikim û hêviya başbûn û

 

aramiyê ji bo wan dixwazim. Her bi vê helkeftê ve pîrozbahiyê li hemû

 

Pêşmergeyên qehreman dikim ku li sengerê bergirîkirina li rûmeta gel û axa

 

niştîmanin û destxweşiyê jî li hêzên asayîş dikim ku bi bê westan erkê

 

parastina aramî û asayîşa xelkê bi başî encam dane.

 

 

Bi pêwîstî dizanim vê helkefta pîroz li Haciyên Kurdistan û rêbiwarên malê

 

xweda pîroz bikim û ji xwedayê mezin hêvîdarim hec û îbadeta wan qebûl

 

bike. Hêvîdarim cejna pîroza Qurbanê bibê cihê nemana yekcarekî ya

 

terorîstan û hizra tundrewiyê û hemû koçber bi serbilindî vegerin ser mal û

 

warên xwe û aştî û pêkvejiyan û lêborîn li Kurdistan û navçeyê de kûrtir bibê

 

û dawî bi êş û kêşeyan bê.

 

Spasî xweragirî û tehemula hemwelatiyan û hemû çîn û tuwêjên Kurdistanê

 

dikim û li wê yekê bawerim xweragirî û berxwedana wan li beranber girift û

 

kêşeyan encama xwe dibê û paşarojeke geş li benda gelê meye.

 

Cejna we pîroz û hêviya şadî û bexteweriyê ji bo we dixwazim

 

Mesûd Barzanî

 

11.09.2016