Efendî: Milîsên şîe di şerê Mûsilê de beşdar bin dê karesat çêbibe

 

Başîk-KDP.info- Berpirsê Eniya Başîkê ya Hêzên Pêşmerge Hemîd Efendî

 

dibêje di egera beşdariya milîsên şîe di şerê Mûsilê de, dê karesateke mezin

 

çêbibe di navbera erebên sune û şîe de. Derbarê beşdariya Hêzên Pêşmerge

 

de jî dibêje, Hêzên Pêşmerge dê rolekê bibînin di wê operasyonê de û pir

 

zehmet e ku bê Pêşmerge hêzên Iraqê karibin Mûsilê ji destê DAIŞê

 

derxînin.

 

Hemîd Efendî Berpirsê Eniya Başîkê ya Hêzên Pêşmerge ji malpera KDP.info

 

re ragihand: “Eger Hêzên Pêşmerge di şerê Mûsilê de beşdar nebin, ew

 

pirose bi ser nakeve û Artêşa Iraqê û milîs nikarin biçin nava bajarê Mûsilê,

 

lê em wek Hêzên Pêşmerge heta niha ferman ji me re hatiye ku em heta

 

sînorê Kurdistanê tenê biçin û fermana nava bajarê Mûsilê ji me re

 

nehatiye. Lê eger ferman ji me re bê, bêguman emê beşdar bibin.”

 

Efendî wiha got: “Pêşbînî tê kirin ku îsal piroseya kontrolkirina Mûsilê birêve

 

biçe û bi nêrîna me dê li nava Mûsilê karesat çêbibin, ji ber ku erebên sune

 

dê bergiriyê bikin û bi hêsanî artêşa Iraqê naçe nava bajêr û herwiha

 

sedema karesatê jî dê beşdariya milîsên şîe be.”