Daxuyaniyeke Salih Mislim hat redkirin..Sînor vekirî ye

 

Rojava-KDP.info- Hevserokê PYDê di kongireyeke rojnamevanî de li

 

Parlrmantoya Ewropa got ku sînorê navbera Herêma Kurdistanê û Rojavayê

 

Kurdisatnê bi kêfa PDKê tê vekirin, lê Rêveberê Xala Sînorî ya Pêşabûrê

 

dibêje, ev sînor bo berjewendiya xelkê Rojavayê Kurdistanê vekirî ye û ne

 

em bazirganiyê tê de dikin, lê belê PYDê ye ya ku gumrikê ji xelkê destine.

 

Şewket Berbiharî Rêveberê Xala Sînorî ya Pêşabûrê ji malpera KDP.info re

 

ragihand: “Ev ne cara yekê ye ku Hevserokê PYDê daxuyaniyên wisa dide ku

 

ti rastiya wan tune ye, herwiha demeke dirêj bazirganî di derî de dihat kirin,

 

lê me ji aliyê xwe ve gumrik ji xelkê nedistend û tenê aliyê PYDê gumrik

 

distendin. Ew karê me ji ber wê yekê bû ku jiyana xelkê xerab e, lê ew bi ti

 

awayekî ne amadebûn ku gumrikê ji ser xelkê rakin.”

 

Berbiharî wiha got: “Niha sînor vekirî ye û bazirgan diçin û tên û ti

 

pirsgirêkeke sînor tune ye û kar bi rêkûpêkî birêve diçin, ji ber ku ew

 

rêgiriyê li bazirganiyê nakin ji ber ku di berjewendiya wan de ye.”