Şanda Kurdistanê civînên xwe ligel Serokmar nirxand
Bexda-KDP.info- Serokwezîrê Herêma Kurdistanê Nêçîrvan Barzanî û şanda
pê re ligel Dr. Fûad Mehsûm Serokmarê Iraqê civiya û di wê hevdîtinê de
şanda Kurdistanê civînên xwe ligel berpirsên Iraqê ligel Serokmar nirxand.
Di çarçoveya hevdîtinên xwe de di roja duyem li Bexdayê îro Sêşemê
Nêçîrvan Barzanî û şanda pê re ligel Dr. Fûad Mehsûm Serokmarê Iraqê
civiyan.
Di wê hevdîtinê de Serokmar kêfxweşiya xwe bi serdana şanda Herêma
Kurdistanê bo Bexdayê û hevdîtina wan ligel berpirsên Iraqê nîşan da.
Mehsûm amaje bi wê yekê kir ku ev serdan û hevdîtin dibin sedemek bo
çareserkirina nakokî û pirsgirêkên Hewlêr û Bexdayê.
Ji aliyê xwe ve Serokwezîrê Kurdistanê Nêçîrvan Barzanî spasiya
helsengandin û têbîniyên Serokmar derbarê hevdîtinên şanda Kurdistanê li
Bexdayê kir û herwiha kurteyek derbarê wan hevdîtinan pêşkêş kir û
amadehiya Herêma Kurdistanê bo berdewamiya hevdîtin û gotûbêjên
herdu aliyan nîşan da.
