Pêwîst e çarçoveyeke nû ji pêwendiyên Hewlêr û Bexdayê re bê dariştin
Bexda-KDP.info- Şanda Hikûmeta Kurdistanê di hevdîtina xwe de ligel
Serokê Parlamentoya Iraqê Selîm Cibûrî de ragihand ku nabe pêwendiyên
Hewlêr û Bexdayê wek niha bimînin û pêwîst e çarçoveyeke nû ji
pêwendiyên Hewlêr û Bexdayê re bê dariştin.
Di roja xwe ya duyem de, îro danê sibehê li Bexdayê Serokwezîrê Herêma
Kurdistanê Nêçîrvan Barzanî û şanda pê re ligel Serokê Parlamentoya Iraqê
Selîm Cibûrî û hejmarek serkirdeyên sunî civiya.
Di wê hevdîtinê de behsa pirsa azadkirina bajarê Mûsilê ji destê terorîstên
DAIŞê û paşeroja wî bajêrî hat kirin û herdu aliyan dan zanîn ku pêwîst e
xelkê Mûsilê di biyara wê operasyonê de beşdar bin û hevahengiya hemû
aliyan bê encamdan, ji ber ku rizgarkirina wî bajêrî ji hemû aliyan re girîng e.
Di beşeke din a wê hevdîtinê de gotûbêj li ser rewşa giştî ya Iraqê û
pêwendiyên Hewlêr û Bexdayê de hat kirin û Şanda Hikûmeta Kurdistanê
ragihand ku nabe pêwendiyên Hewlêr û Bexdayê wek niha bimînin û pêwîst
e çarçoveyeke nû ji pêwendiyên Hewlêr û Bexdayê re bê dariştin. Herwiha
herdu aliyan hêviya çareserkirina nakokiyan xwestin.
