Nêçîrvan Barzanî: Hewlêr û Bexda nêzîk gotûbêjên leşkerî dikin
Hewlêr-KDP.info- Serokwezîrê Herêma Kurdistanê Nêçîrvan Barzanî
ragihand ku di demk nêzîk de civînên leşkerî dê di navbera her du aliyan de
destpê bikin, lê gelek giring e di warê siyasî, ewlehî, civakî, avadankirin û
mirovî de ji bo Mûsilê pilaneke zelal hebe.
Serokwezîrê Herêma Kurdistanê Nêçîrvan Barzanî, roja înê 26.08.2016ê li
bajarê Hewlêrê, pêşwazî li sanatorê partiya Komarî yê wîlayeta Teksasê
John Corniyn û şandeya pê re kir û senatorê amerîkayî kêfxweşiya xwe li
hember serdana bo herêma Kurdistanê nîşan da, mêrxasî û serkeftinên
pêşmergeyê Kurdistanê li bereyên cenga dijî terorê û têkşikanidna efsaneya
terorîstên DAIŞê ji aliyê pêşmerge ve bilind nirxand û bi navê gel û hikûmeta
Amerîkayê sipasiya Hikûmeta Herêma Kurdistanê kir ku, pêşwazî li
hijmareke gelek zêde ya koçber û penaberan kiriye, hewaninde û xizmeteke
baş jê re kirye.
Şandeya Amerîkayê behsa operasyona azadkirina bajarê Mûsilê kir û bi
pêwîstî zanî ku di navbera Hewlêr, Bexda û hevpeymanan de hevkarî û
hevahengiyeke baş hebe bi awayekî ku ew dilgraniya xelkê Mûsilê û aliyên
Sune heye nemîne û mafê timama aliyan parastî be.
Senatorê wîlayeta Teksasê got ku di dema operasiyona azadkirina Mûsilê de
tê çaverêkirin ku gelek kes koçber bibin û ber bi herêma Kurdistanê bên
lewra pêwîste, di vî warî de, civaka navdewletî zêdetir alîkariya Herêma
Kurdistanê bike.
Nêçîrvan Barzanî sipasiya serdan û têbîniyên senatorê partiya Komarî yê
wîlayeta Teksasê kir û got ku Herêma Kurdistanê hertim pêşwazî li
lêqewmiyan kiriye û dike, lê îmkanên Herêma Kurdistanê txûbdarin, ji ber
hindê pêwîste civaka navdewletî û bi taybetî Amerîka lêbixebite ku, zêdetir
alîkariya herêma Kurdistanê bike. Serokwezîr sipasiya welatên
hevpeymanên dijî DAIŞê û bi taybetî Amerîkayê kir ku her ji destpêka êrîşên
DAIŞê alîkariyên leşkerê pêşkeşî Herêma Kurdistanê kirine.
Li dor têkeliyên navbera Kurdistan û Iraqê jî de, Nêçîrvan Barzanî tekîd kir
ku, Herêma Kurdistanê amade ye bi rêya dyalog û danûstandinan tev
pirsgirêkên bi Bexdayê re hene çareser bike û eşkere kir ku, ji bona zêdetir
hevahengiyê, di demk nêzîk de civînên leşkerî di navbera her du aliyan de
dê dest pê bikin, lê gelek giring e di warê siyasî, ewlehî, civakî, avadankirin û
mirovî de ji bo Mûsilê pilaneke zelal hebe.
Serowkezîr got ku, pêşmergeyê Kurdistanê li derdûra Mûsilê serketinên
mezin bi dest xistine û ji bo azadkirina bajêr û deverên jêr destê terorîstên
DAIŞê gelek eniyên nû vekirine.
