Almanya berdewam dibe li ser şandina alîkariyên leşkerî bo Hêzên Pêşmerge
Ajans-KDP.info- Çavkaniyekê ji Hikûmeta Almanya ragihand ku welatê wî dê
berdewam be li ser şandina alîkariyên leşkerî bo Hêzên Pêşmerge.
Malpera Kurd Press a Îranî nûçeyeke Spotnîk a Rûsî belav kiriye ku tê de
Berdevkê Hêzên Artêşa Almanya li Iraqê Robert Habrmen eşkere dike ku
jibilî karwanê hefteya borî ji çek û teqemeniyên Almanya bo Hêzên
Pêşmerge di paşerojeke nêzîk de çendîn karwanên din ji alîkariyên leşkerî
bişîne Herêma Kurdistanê.
Tê zanîn, ku welatê Almanya hefteya borî karwanekî 70 tonî ji çek û
keresteyên leşkerî şand Herêma Kurdistanê ew jî wek piştevaniya leşkerî ya
welatê xwe bo Hêzên Pêşmerge di jinavbirina DAIŞê.
