Nabe bi hincetên siyasî em dijatiya referandum û serxwebûnê bikin

 

Hewlêr-KDP.info- Çavdêrên siyasî dibêjin, divê hêzên siyasî yên Kurdistanê

 

xwe bo bereya referandum û serxwebûna Kurdistanê yekalî bikin, ji ber ku

 

qonaxek hatiye pêşiya me ku nabe aliyek li dijî serxwebûnê be û aliyek jî

 

piştgiriya wê bike.

 

 

 

Dr. Necman Doskî siysetmedarê Başûrê Kurdistanê ji malpera KDP.info re

 

ragihand: “Niha derfetek bo gelê Kurdistanê çêbûye ku ev 100 sal e ku ti

 

qonaxeke wisa girîng û hestiyar nebûye. Pêwendiyên Hewlêr û Bexdayê têk

 

çûne û tiştek nema wan bi hevre girê dide. Ji aliyekî din ve hevpeymaniya

 

navdewletî jî bi ciddî alîkariya Herêma Kurdistanê dikin û piştevaniya Hêzên

 

Pêşmerge dikin, lewma pêwîst e kurd ber bi dewlet û serxwebûnê ve

 

pêngavan bavêjin.”

 

 

 

Doskî wiha got: “Nabe di bin her hêncetekê de be aliyek yan çend aliyên

 

siyasî dijatiya referandumê û serxwebûnê bike, ji ber ku ya dawî ev îrade û

 

daxwaza xelkê Kurdistanê ye û nabe îradeya hizbî bi ser de xwe feriz bike û

 

her dûrketinek ji referandum û serxwebûna Kurdistanê re, dûrketine ji

 

daxwaz û îradeya xelkê Kurdistanê. Herwiha nabe ev pirs bibe çekekî siyasî

 

û em li dijî hev bikar bînin û wek lîstikekê di nav xwe de bikar bînin, ji ber ku

 

ev yek girêdayî çarenivîsa gelê me.”

 

 

 

Hevdem Serokê Tevgera Demokrata Turkmanî li Kurdistanê Kerxî Altî

 

Birmax ji malpera KDP.info re ragihand: “Niha pêkhatên cuda yên

 

Kurdistanê pêkve dixwazin di çarçoveya Herêma Kurdistanê de çarenivîsa

 

wan diyar bibe û nabe ku ew wisa girêdayî cihekî bin ku hêj ne herêm e û ne

 

jî dewlet e jî. Ev cih ji me re bibe dewlet ji me hemûyan re baştir e, ji ber ku

 

tu li dewletekê bijî baştir e ku tu li herêmekê bijî. Nabe ti hêzek bi ti

 

hêncetekê dijatiya vê pirsê bike, ji ber ku serxwebûn û dewlet daxwaz û

 

îradeya xelkê Kurdistanê ye û îradeya gel ji daxwazên partiyan mezintir e.”